Gaia
2011/12/31
Urteak joan, urteak etorri.
Sumatuko al du gizakiak zenbat denbora geratzen zaion lurraren gainean?
Hornidurak
2011/12/21
Maizago jolastuko bagina, maizago joko bagenu, jolasen distira izango luke bizitzak eta arriskatzeko ausardiaz eta kemenaz ere hornituko gintuzke.
Hori sinetsi nahi genuke, bederen.
Nor mintzo da garaitzeaz?
2011/12/18
“Nor mintzo da garaitzeaz?
Bizirautea da egin dezakegun gauza bakarra”
R.M. Rilke
Lexikologoa
2011/11/27
Oligarkien esku zeuden mass-media guztiek etengabe definitu demokrazia kontzeptua argitzea hartu zuen xedetzat, kontraesanez betea aurkitzeaz gainera bolada luze baterako lana ere aurreikusi baitzuen eginkizun hartan.
Ohi bezala, hiztegi bat ontzen bukatu zuen bizitza akademikoa.
Domuit vascones
2011/11/11
Ez da ongiegi ulertzen nola hain menderagaitz agertzen den gizarte honek izan ditzakeen hainbeste informatiko, hainbeste teknikari eta hainbeste ordenagailu zentimetro koadroko eta zein cracker gutxi hazten duen aldi berean!
Mantsotze ideologikorako iraultza teknologikoa, nonbait.
Kandidiasisa
2011/11/07
Jatorriz eta odolez bizkiak izan arren, bizkiak izango ez balira bezala agertzea dute xede negusi.
Garbi dute, dena den, familian geratuko dela euren negoziotxoa.
Negoziotxo espainola eta inperialista, of course.
