aizkorri

Gaia

aizkorri — Sat, 31 Dec 2011 17:21:44 +0000

Urteak joan, urteak etorri.

Sumatuko al du gizakiak zenbat denbora geratzen zaion lurraren gainean?

Hornidurak

aizkorri — Tue, 20 Dec 2011 22:04:48 +0000

Maizago jolastuko bagina, maizago joko bagenu, jolasen distira izango luke bizitzak eta arriskatzeko ausardiaz eta kemenaz ere hornituko gintuzke.

Hori sinetsi nahi genuke, bederen.

Nor mintzo da garaitzeaz?

aizkorri — Sun, 18 Dec 2011 19:27:27 +0000

“Nor mintzo da garaitzeaz?

Bizirautea da egin dezakegun gauza bakarra”

R.M. Rilke

Lexikologoa

aizkorri — Sun, 27 Nov 2011 16:45:12 +0000

Oligarkien esku zeuden mass-media guztiek etengabe definitu demokrazia kontzeptua argitzea hartu zuen xedetzat, kontraesanez betea aurkitzeaz gainera bolada luze baterako lana ere aurreikusi baitzuen eginkizun hartan.

Ohi bezala, hiztegi bat ontzen bukatu zuen bizitza akademikoa.

Domuit vascones

aizkorri — Fri, 11 Nov 2011 21:49:22 +0000

Ez da ongiegi ulertzen nola hain menderagaitz agertzen den gizarte honek izan ditzakeen hainbeste informatiko, hainbeste teknikari eta hainbeste ordenagailu zentimetro koadroko eta zein cracker gutxi hazten duen aldi berean!

Mantsotze ideologikorako iraultza teknologikoa, nonbait.

Kandidiasisa

aizkorri — Mon, 07 Nov 2011 20:55:35 +0000

Jatorriz eta odolez bizkiak izan arren, bizkiak izango ez balira bezala agertzea dute xede negusi.

Garbi dute, dena den, familian geratuko dela euren negoziotxoa.

Negoziotxo espainola eta inperialista, of course.

Betegintzarrea

aizkorri — Sat, 05 Nov 2011 20:21:04 +0000

Perfekziora heldu nahiak ehortzi zuen, poema ziruditen metafora-pilaketa haien azpian itota.

Kontrakarrak

aizkorri — Thu, 03 Nov 2011 15:38:38 +0000

- Zenbat eta zarata gehiago, orduan eta isiltasuna ozenago –esan digu bizitzak gortuak.

JEL

aizkorri — Fri, 14 Oct 2011 19:19:10 +0000

Politikoki ere fededun izateari utzi diezaionean bilakatu ahal izango da aske euskalduna.

Ez lehenago.

Eta horretara iristeko ez da aski hizkuntza hegemonikoan “nacional” hitzarekin mozorratzea errealitatea.

Zailtasuna

aizkorri — Mon, 10 Oct 2011 17:38:26 +0000

Zail du gizakiak bizitza bizitzea.

Alienazio-mekanismo guztiak piztuta daude errealitatearen koloreen azpikoaz inoiz jabetu ez dadin.